Baithuti ba Fokothi ba litlamong

Ka Lerato Buthelezi

MASERU – Ke baithuti ba robeli ba seng ba le litlamong tsa sepolesa sa Lesotho ba ntseng ba thusana ka lipatlisiso mabapi le lefu la moithuti oa selemo sa pele. Mofu Rethabile Mosito, ea lilemo li 21, eo e leng moithuti oa selemo sa pele sekolong sa Lerotholi, se tloahelehileng ka lebitso la Fokothi, setopo sa hae se ile sa fumanoa se akhetsoe lebaleng la sekolong, ‘me taba eo ebile semaka ho bookameli ba sekolo hore na hantle se etsahetseng ke eng ka mohlankana enoa.

H’a bua, Raliphatlalatso oa Sepolesa sa Lesotho, Superintendent Mpiti Mopeli, o itse ho fihlela hona joale ba na le bashanyana ba robeli ba litlamong, ba ntseng ba ba thusa ka lipatlisiso malebana le tahlehelo ea bophelo ba moithuti enoa. A boela a thatiseletsa ka hore mohlaope lefu la moithuti enoa eka nna eaba le bakiloe ke thlekefetso e etsoang ke ba bang ba baithuti ba khale e le hona hore ba amohela ba bacha sekolong.

Leha ho le joalo ho bonahala mekha ena ea baithuti ba khale ba bolaeang ba bacha e ntse e tsoela pele, kaha hase lekhetlo la pele lilengoaneng tsena tsa hona joale ho eba le bana ba lahleheloang ke bophelo, ka tsela tse ntseng li batla li tšoana. E mong oa baithuti ba khale ba Fokothi, Monghali Tabai Motuba, o itse eena nakong eo a kenang sekolong ka moo, hone ho sena le ka mohla ho bang le baithuti ba lahleheloang ke bophelo, 'me eena oa ipotsa e le motho hore na bana ba hona joale ba etsang bana ba batho hoo ba lahleheloang ke maphelo.

Mosotho puisanong le Mookameli oa Fokothi Professor Sepiriti Tlali, o itse litaba tsena li ntse li hlahlojoa ke sepolesa sa Lesotho. A re empa tseo ba li utloileng ke hore mofu o ile a isoa Mohokare ke ba bang ba baithuti ba khajana ba nt'o qalella ka ho mohlekefetsa.Ho fihlela hona joale sekolo sa Fokothi se bonahala se sa tsoe melemong ea batho, hoo batho ba bang ba batlang hore se koaloe.

Default Basic Success warning Info Danger Primary

Related Posts you may like

Popular Post