Chakela o eletsa banna ba habo ba Terene

MASERU – Khosi Mosotho Chakela, ka moo a tloaetsoeng ho bitsoa ka teng, selika-likoeng sa ‘mino oa Famo, o elelitse banna a hahabo ba terene hore ba se apare likobo tsa bona tse tšehla mohla ba eang mafung a banna a bolaetsoeng Vaal River.

Litaba tsena litla kamor’a hore ho be le karolo ea banna le basali ba ileng ba tokhotsoa ke Sepolesa sa Matelile nakong eo ba neng ba e’a lefung la banna ba bang ba ha habo bona. Hona moo eka sepolesa se ile sa ba laela hore ba hlobole ba sale ka likhopo. Har’a bona hone ho ena le mosali oa moimana eo ho tlalehoang a bile a senyehetsoe ka lebaka la ho shapuoa ke sepolesa.

Chakela h’a bua ho se seng sa liea-le-moea o hlalositse hore o bile a bua le Letona la Sepolesa, Mofumahali Mamokhele Mokhele, ea ileng a hlalosa a ntse a le phomolong, eo eena a ileng a mokopa hore ha ba ea mafung ao ba seke ba apara e le hona ho boloka Khotso lipakeng tsa bona le Sepolesa.

Banna ba Terene ba lokela ho ea lefung Matelile la banna ba tšeletseng ba bolailoeng ka ho thungoa Vaal River, Matlatsane, eka ntoa ena ea bona e qhomme pakeng tsa banna ba likobo le ba litotomeng.

Bafu bana ho utloahala e le ba Methinyeng Matelile ‘me ba lokela hore ba bolokoe ka la Hlano Motšeanong. Chakela eena o bile a hlalosa ha a sa tlo atleha hoba teng, empa a re seo a leng motlotlo ka sona ke hore o tsebile ho lata litopo tseo Afrika Boroa hore li tlo fihla hae, ‘me litaba li se li sallane le ba hae.

Ntoa ena ea banna ba litotomeng le likobo ke ntoa ea khale e bonahalang e sa ee moriting, ebile ho fihlela hona joale e bonahala e se e anetse libaka tse ling e seng Matelile feela e se e kenyeletsa le libaka tse akhang bo Matsieng.

Likhoeling tse ‘maloa tse fetileng ho qeta ho bolaoa bana ba babeli ba Ha Mohale le bona ba bolaeloa Afrika Boroa ka ho thunngoa.

Default Basic Success warning Info Danger Primary

Related Posts you may like

Popular Post